၎။ ။ပြောင်းညွန့် ကြမ်းပိုး (Shoot Bug- Peregrinus maidis)
၎င်း ဖျက်ပိုးသည်လည်း မကြာခဏ ဆိုသလို ပြင်းထန်စွာ ကျရောက်ဖျက်ဆီးတတ်သည်။ အရွယ်ရောက် အကောင်ကြီးသည် ၀ါညိုရောင်မှ အနက်ရောင် ရှိပြီး၊ မာသော တောင်ပံများ ရှိသည်။ ပိုးလောက်ကောင်မှာမူ အ၀ါရောင်ရှိပြီး ပျော့သော ခန္ဓာကိုယ် ရှိသည်။ အကောင်ကြီးနှင့် လောက်ကောင်ငယ်တို့သည် ပြောင်းပင်၏ သစ်ရည်ကို စုပ်စားသည်။ ထို့ကြောင့် ပြောင်းပင်များသည် အ၀ါရောင်ဖြစ်ပြီး၊ ပုသွားခြင်း နှင့် မကျန်းမာသော ပုံစံသို့ ပြောင်းသွားသည်။ အရွက်များ ကြွေကျပြီး၊ ကျရောက်မှု ပြင်းထန်ပါက ပြောင်းပင်သေသွားသည်အထိ ဖြစ်စေသည်။ သစ်ရည် စုပ်စားတတ်သော ၎င်း ဖျက်ပိုးများကြောင့် ပြောင်းပင် ထိပ်ရွက် စုစည်းခြင်းများလည်း ဖြစ်တတ်သည်။ ထို့အပြင် မှိုရောဂါ ကျရောက်ရန် ဖိတ်ခေါ်ခြင်းနှင့် ရောဂါများ ပျံ့နှံစေခြင်းတို့ကိုလည်း ဖြစ်ပေါ်စေသည်။
၎င်း ဖျက်ပိုး ဥများ ဥသောအခါ ပြောင်းရွက်၏ အလယ်ရွက်ကြောသည် အနီရောင်သို့ ပြောင်းသွားပြီး၊ နောက်တွင် ပြောင်းရွက်မှာ ခြောက်သွေ့သွားသည်။
No comments:
Post a Comment