ဖိလစ်ပိုင် လယ်သမားများအတွက် Rice Crop Manager ထွက်ရှိ
ဖိလစ်ပိုင် အခြေစိုက် အပြည်ပြည်ဆိုင်ရာ စပါးသုတေသန ဌာနနှင့် ဖိလစ်ပိုင် စိုက်ပျိုးရေး ၀န်ကြီးဌာနတို့ ပူးပေါင်း၍ စပါးသီးနှံ မန်နေဂျာ (Rice Crop Manager) အမည်ရှိ ဆော့ဖ်ဝဲကို ဖုန်း၊ ကွန်ပြူတာ စသော အင်တာနက် သုံးစွဲနိုင်သော နည်းပညာပစ္စည်းများနှင့် တွဲဖက် အသုံးပြုနိုင်ရန် ထုတ်လုပ်ခဲ့ကြောင်း သိရသည်။
၎င်း ဆော့ဖ်ဝဲကို အသုံးပြု၍ စပါး စိုက်ပျိုးခြင်းတွင် လိုအပ်သော ဓာတ်မြေသြဇာ၊ ပိုးမွှား၊ ရောဂါများ၊ ပေါင်းများ၊ ရေလိုအပ်ချက်များ၊ ယမန်နှစ် အထွက်နှုန်း စသည်တို့နှင့် ပတ်သတ်၍ တိကျသော ညွှန်ကြားချက်များ ပေးနိုင်မည်ဟု ဖော်ပြပါရှိပါသည်။
၎င်း ဆော့ဖ်ဝဲကို www.webapps.irri.org/ph/rcm တွင် ရယူနိုင်ကြောင်းလည်း သိရသည်။ ထို့ပြင် google playstroe တွင်လည်း RCM PH အမည် ဖြင့်လည်း ရယူနိုင်ကြောင်း သိရသည်။ ဖိုင် အရွယ်အစားမှာ ၁၉.၉၄ ကီလိုဘိုက် သာရှိပါသည်။
ဖိလစ်ပိုင်တွင် အောင်မြင်နေသော စိုက်ပျိုးရေးဆိုင်ရာ နည်းပညာတစ်ခုဖြစ်သလို၊ အပြည်ပြည်ဆိုင်ရာ စပါးသုတေသန ဌာန များစွာတို့တွင်လည်း သုတေသန ပြုလုပ်ရန် လွယ်ကူစေကြောင်း သိရသည်။
မှတ်ချက်။ ။
မြန်မာနိုင်ငံတွင်လည်း တောင်သူများအနေဖြင့် သတင်း၊ အချက်အလက်နှင့် နည်းပညာများကို စိုက်ပျိုး၊ မွေးမြူရေး နယ်ပယ်များတွင် အသုံးပြုရန် လိုအပ်လာပါသည်။
လတ်တစ်လော အနေဖြင့် တောင်သူများ အနေဖြင့် မိမိတို့ ကိုင်ဆောင်နိုင်သော ဖုန်းများရှိ ကင်မရာဖြင့် မိမိတို့ သီးနှံမှတ်တမ်းများ ပြုလုပ်ထားသင့်ပါသည်။ နီးစပ်ရာ နားလည် တတ်ကျွမ်းသူများနှင့် တွေ့ဆုံ ညှိနှိုင်းသင့်ပါသည်။
No comments:
Post a Comment